- 730 -

1448. Mai 13.

Vnsern frundlichen dinst zuuor. Ersamen, weisen gonner vnd liben frunde, vns hat fraw Barbara, Lorencz Windisch vnsers eidgenossen eliche husfrawe dise czeigerin vorgelegit, das Nicklas Kelbichen ir vater ewer methewoner, ir muter seligen dritteteil vnd anirstorbin gut, kisten, gewand, silberin gortel vnd ander ware iczund lange czeit vorgehaldin hat vnd noch vorheldet, in was meynunge mag sie nicht vorsteen, wie deme so ist mit der egenanten frawen nw alzo gewandet, das sy noch gerne ir mutterliches angefeile ane lenger offczoge vnd mer muhe vnd czerunge haben welde, hirumb bitten wir ewir ersamkeit mit allem fleisse, wollet den genantin Kelbichen vnderrichten vnd vormogen, das eyn sulchs geschege; thunde keigen vns wir alleczeit kegin euch thun weldin, das wollin mit grosir dangsamkeit frundlichen vordinen, bitten ewir antwort. Gebin am montage in den phingest heiligetagen vnder vnserm stat secret anno domini XLVIII.
Burgermeister vnd ratmanne der stat Bonczlaw.

Mit Rückaufschrift an den liegnitzer Rath.

Orig. Kgl. Bibl z. Berl Ms. Boruss. f. 568. No. 56.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866